ثقافة الكوريغراف رشدي بلقاسمي يرد على منتقدي ارتباطه بفتاة محجّبة
أثارت خطبة الراقص الكوريغرافي رشدي بلقاسمي نهاية الاسبوع الماضي بعض الانتقادات من قبل اشخاص استغربوا ارتباطه بشابة محجّبة، في هذا الاطار نشر بلقاسمي تدوينة على صفحته الخاصة بالفايسبوك جاء فيها ما يلي:
"صباح الخير،
نحب نعلق على بعض الآراء المستغربة اني نخطب إنسانة متحجبة.
اول حاجة، هذه حياتي الخاصة وما بيناتنا كان الفن الي نقدمهولكم و إلي عمري باش نبدلو "الرقص" ، أما حياتي فهي خط أحمر و ماتهم حتى انسان في ها الدنيا.
ثاني حاجة متحجبة أو لا، الشيء هذا عمرو ماكان مشكل بالنسبة لي خاصة إذا كان الإنسان مقتنع بالشكل الي يقدم فيه روحو و على خاطر نحترم خيارات الناس مانيش باش نفرض عليه فكري و قناعاتي، بالعكس رغم اختلافنا فما حاجات نجمت تربطنا أقوى من الشكل.
وأخيرا يظهرلي مشكل الانسجام مهوش متعلق فقط بالإنسان و ذاتو، يظهرلي فما مشكل أكبر و إلي هو الاانسجام مابين المواطنين بين بعضهم رغم اختلافهم.
و السلام بالعافية."
